From: TE Khai-su
Goa kin-na-jit theh tioh goa e sin hou-chiau (ROC e), teng-koan e
"Also known as" si sia "TE, KHAI-SU". Chhut-seng-te ma tui "CHINA"
kai choe "TAIPEI CITY", hou-chiau ma tui pun-lai ku--e kai choe machine
readable passport.
Beh an-choaN kai li e hou-chiau ne?
Also known as
-------------
Tau chit8 hang tai-chi si khi "World Service Authority" sin-chheng chit
tiuN "World Identity Card", lai-te iong li Peh-oe-ji e mia.
World Service Authority si ti World Government of World Citizens e-kha
e chit8-e hok-bu tan-ui. World Government kam-kak se-kai sou-u e lang
long si World Citizen, Se-kai Kong-bin. M-koh li ai khi in hia
chu-chheh. In u hoat "World Passport", "World Identity Card",
"International Exit Visa" teng-teng e bun-kiaN, ui-tioh siu ap-pek e
lang hok-bu.
Li e-sai sia phoe hou in, chhiaN in kia sin-chheng-pio (application)
hou li. Siu--tioh sin-chheng-pio i-au, thiam li e mia e si, long iong
Peh-oe-ji e mia thiam. Chu-iau li ai sin-chheng "World Identity Card".
Li na-si beh sin-chheng pat-hang ma-si e-sai. Jian-au, hu-siong li e
sin-hun cheng-beng (ROC e sin-hun-cheng to e-sai). Hu chit-tiuN phoe
sia kong li e Han-bun mia iong Peh-oe-ji (Ho-lo-oe) thak-chhut-lai
to-si an-ni. Li na-si u sin-chheng hou-chiau (Passport), in-ui
hou-chiau si iong chhiu sia--e, sou-i siaN-tiau ki-ho ma e-tang
sia--chhut-lai, m-koh Identity Card si iong tian-nau phah--e, sou-i
chhiaN ti phoe lai-te sia-beng li e TP 1a4 (bo chu tiau-ho, long iong
toa-sia) e mia, chhin-chhiuN:
KHOU, KUN-LAM
LI, KHIN-HOANN
Sia hou chheng-cho. Na-si li tui li mia e phin-hoat u bun-te, chhiaN
email hou khaisu@ugcs.caltech.edu
Sin-chheng ai hu sin-chheng hui:
Registration fee (chu-chheh) USD 20
Annual financial commitment USD 12
(optional; su-chai li beh lap a-si bo-ai lap)
Postage (iu-pian-hui) USD 2
World Identity Card USD 15
(Se-kai sin-hun-cheng)
World Service Authority e te-chi ti e-kha:
http://www.worldcitizen.org
World Service Authority
Suite 1106
1012 14th Street, NW
Washington, D.C. 20005
phone +1 202 6382662
fax +1 202 6380638
World Service Authority
8th World District
4-14-5 Numabukuro
Nakano-Ku
Tokyo 165, Japan
phone +81 33 3195170
fax +81 33 3195127
Sin-chheng chha-put-to 2 le-pai to oe kia-lai hou li.
Koh lai, to si kap ROC e lang kau-chhap. Li khi chheng sin-e ROC
hou-chiau e si, ti sin-chheng-pio e lai-te, "Also known as" e
sou-chai sia li Peh-oe-ji e mia, long iong toa-sia, bo tiau-ho
(TP 1a4), chhin-chhiuN:
KHOU, KUN-LAM
LI, KHIN-HOANN
"Also known as" e "cheng-beng bun-kiaN" hia, sia "Se-kai
Sin-hun-cheng, World Identity Card". Hou pan-su e lang khoaN
hit-tiuN iong Peh-oe-ji sia-e "World Identity Card". In na7 ka7
li tho2 copy, to7 copy hou in. Chin-liong mai hou in khoaN--tioh
li e World Passport, bo kho-leng oe in-khi ma-hoan.
Li sin-e hou-chiau chhut-lai e si5, to oe ti "Also known as" e
sou-chai sia li Peh-oe-ji e mia ah.
Tui chia i-au, goa kian-gi li i-au teh thiam mia e si5, long
thiam li Peh-oe-ji e mia cho3 pun-mia, jian-au ti "Also known as"
e sou-chai thiam Pak-kiaN-oe e mia; to7 si kap hou-chiau teng-koan
to3-peng2 e i-su.
Chhut-seng-te
-------------
Na-si li e hou-chiau teng-koan, kham e "chhut-seng-te" si "CHINA",
kam-kak chin boe-song2, siuN beh ka kai cho3 li sit-chai e
chhut-seng-te:
Che khah kan-tan. Li seng kai li e ROC sin-hun-cheng, ka
"pun-chek" kai-choe "chhut-seng-te". Jian-au theh sin e sin-hun-cheng
ki kai hou-chiau, to OK ah.
Kiat-lun
--------
M-thang kio-si kong chia long kai-ho, lan to bian phah-piaN ah! Theh
chit-pun au3-sai2 ROC e hou-chiau chhut-khi kok-che sia-hoe, si chin
kian-siau e tai-chi! Tai-oan-lang ai kap chit-e "Republic of China"
kau-chhap, si put-tek-i--e! Lan ai koaN-kin kian-lip ka-ki e kok-ka,
chiah oe-tang kiau-ngo theh TAI-OAN-KOK e hou-chiau chhut-khi, siu
Kok-che Sia-hoe e chun-tiong!
